BAGUIO CITY – Agtaltalinaed a nababa ti populasyon ti rehiyon Cordillera nu idilig iti populasyon iti daduma a rehiyon.
Sigun kenni Cecile Aguilan Basawil, Regional Director ti Commission on Population and Development – Cordillera, 1.7-million ti populasyon ti rehiyon nu saidno ti kangatoan ket probinsiya ti Benguet nga sinaruno met ti Baguio City.
Innayon ni Basawil a bassit ti land area ti rehiyon nu sadino limitado ti kapasidad nga ipaay ti posible a pagtrabahoan iti baet a migration area ti rehiyon.
“Nu pagtutungtongan tayo gamin ti population, adda dita jay demographics…so this is babai, lalaki tas yung age structure, ken nu ayna ti pagyanan dagiti nga tattao, so sino at saan ang mga tao na ito?”
Cecile Aguilan Basawil, Regional Director of Commission on Population and Development – Cordillera
Inlawlawag ni Job David J. Manalang, Assistant Regional Director ti Commission on Population and Development – Cordillera a nakadepende iti stucture ti populasyon nu sadino ditoy a nakabasar ti kabaelan ti panakaaramid ti trabaho ken dagiti agnanaed a tattao.
Inlawlawagna a maysa a factor ti family planning iti panagdakkel ti populasyon iti rehiyon nu sadino basbassit ti maipaspasngay a maladaga a dumanon laeng iti dua iti edad a 15 agingga 49 nu idilig iti daduma a rehiyon a dumanon iti tallo wenno uppat.
Impetteng met ni Basawil nga ar-aramidenda ti kabaelanda tapno maipangato ti panakaammo iti publiko seknan iti populasyon a maikonsidera iti panagdur-as ti maysa a lugar.
