BAGUIO CITY – Naipatungpal ti kaunaan a destruction of non-drug evidence ti Philippine Drug Enforcement Agency – Cordillera idiay Wangal, La Trinidad, Benguet ita nga aldaw.
Nadadael dagiti nakumpiskar a non-drug evidences babaen iti roller compactor.
Naipatungpal ti nasao nga aktibidad babaen iti panangidaulo ni PDEA-CAR Regional Director Laurefel Gabales, dagiti nagduduma a maseknan nga ahensiya, barangay officials ken local government officials iti nasao a lugar.
Naipatungpal daytoy babaen iti court order manipud iti La Trinidad ken siudad ti Baguio a dadaelen dagiti non-drug evidences.
Mainaig iti dayta, kinuna ni Gabales a dagitoy ket manipud iti nasurok sangapulo a kaso manipud tawen 2018.
Panggep daytoy a seremonya a dadaelen dagiti non-drug evidences tapno saanen a maaramat pay para kadagiti iligal nga aktibidad mainaig iti droga.
Namnamaenda met a daytoy ti umuna ken maudi a panangdadael kadagiti non-drug evidences iti baet nga adu ladta ti agtultuloy nga agar-aramat ken aglaklako ti iligal a droga iti rehiyon Cordillera.
