Umap-apila ti kameng ti City Environment Parks and Management nangruna dagiti maintenance workers iti publiko kalpasan a nadadael a dagiti sumagmamano a sabsabong sadiay Burnham park.
Sigun pay maysa a maintenance worker, nasayaat ti kasasaad ti nasao a mula idi pinanawanna daytoy idi kalman (January 05) ti rabii ngem naklaat daytoy idi nakitanan iti agsapa (January 06) a naputputed ken nadadael dagiti agarup uppat a pulo a pinuon ti nasao a sunflower.
Posible met a nagandat ti pannakadadael dagitoy, maibasar iti pannakapatpat dagitoy.
Mainaig iti dayta, saan pay a nabigbig dagiti responsable agsipudta saan a nakita dagiti nakaduty a security guard ti pannakadadael dagiti nasao a mula.
Malaksid iti dayta awen metlang ti CCTV iti lokasion a naimulaan dagiti sabong.
Iti panakiuman ti Bombo Radyo kenni Atty. Rhenan Diwas, dadaulo iti City Environment Parks and Management Office, nasayaat ti situasyon dagiti parke kalpasan ti holiday season.
Agkidkiddaw met ti nasao nga opisyal iti publiko nga agturturong kadagiti parke iti siudad a raemenda dagiti mula ken nagbannugan ti sabali a tao.//Bombo Noveh Organo
